Kurrikulum
Ons volg die CAPS kurrikulum wat vereis word deur die Departement van Onderwys.
'n Oopplanstelsel word gevolg: tydens vrye spel het die leerders 'n keuse van speelplek nl. skeppende area, fantasie area, kognitiewe area, randaktiwiteite en buitespel.
Roetine tye is soos volg
Oggendkring
Waar nuus, die weer, dae van die week, ens. bespreek word. Bybelverhale word vertel en liedjies gesing.
Toiletroetine
Gesonde, higiëniese beginsels word aangeleer.
Etenstye
Klem word geplaas op gesonde eetgewoontes en goeie tafelmaniere.
Kringe
Musiek- drama- dans- bewegings- besprekings- en verjaarsdagkringe asook ontwikkelingspele (Liggaamlike opvoeding) Stories en taalontwikkeling: Die pre-primêre program word daagliks afgesluit met taalontwikkeling en 'n storie.
Vryspel
Wye keuse van verskeie sensopatiese aktiwiteite wat sand, water-en modderspel insluit Pophuis, klim- en klouterapparaat, balanseerbalke, hindernisapparaat en fietse. Skeppende aktiwiteite soos verf, kleispeel, teken, ens. Kognitiewe aktiwiteite, blokkespel en opvoedkundige speletjies.
Graad R Leerders
DIE NUUTSTE DEPARTEMENTELE kurrikulum word gevolg vir die Graad R leerders.
Vorderingsverslae
Leerders ontvang vorderingsverslae twee keer per jaar. Die hoof en onderwyseres is te alle tye beskikbaar om probleme of mylpale met ouers of voogde te bespreek. U word aangemoedig om met ons te kommunikeer.